‘लकडाउन’मा भोका कुकुरलाई खाना खुवाउन दैनिक सडकमा निस्किदै छन यी युवाहरू

कपन (बु.न.पा), काठमाण्डौ । विश्वव्यापी महामारीको रुपमा फैलिएको कोरोना भाइरस (COVID-19) संक्रमणको जोखिमलाई मध्यनजर गर्दै नेपाल सरकारले पनि देशभर लकडाउन लागू गरेको छ ।

लकडाउनका कारण दैनिक ज्याला मजदुरी गर्नेहरु सबैभन्दा बढी प्रभावित बनेका छन् । त्यो भन्दा बढी सडमा रहेका पशु-चौपायाहरु प्रभावित छन् । सडकमा भएका पशु-चौपायाहरुले खान पाए/नपाएको प्रति धेरैको ध्यान जान सकेको छैन ।

यही अवस्थालाई ध्यानमा राखेर बुढानिलकण्ठ क्षेत्रका युवाहरुले सडकमा भोकै रहेका कुकुरहरुलाई दैनिक खाना खुवाउँदै आएका छन् ।

‘मिलेर गरम्, सकेको गरम्’ अभियनाका साथ बुढानिलकण्ठ नगरपालिका वडा नं. १० र १२ का युवाहरुले सडकका कुकुरहरुलाई दैनिक खाना खुवाउने गरेका हुन् । आज मिति २०७७ बैशाख २५ गतेका दिन पनि “करिब १५० ओटा भन्दा बढि सडकमा रहेका कुकुरहरुलाई खाना खुवाएको” साहिल गौतमले जानकारी दिएका छन् ।

उनीहरुले सकेको सहयोग उठाएर सडकका कुकुरहरुलाई दैनिक खाना खुवाउँदै आएका छन् । यो अभियान लकडाउन अवधिभर मात्र नभएर निरन्त गरिने उनीहरुले बताएका छन् । सडकमा भएका कुकुरहरु मात्र नभई एक गाँस खाना खान गाहे पर्ने हरु लाई पनि सहयोग गर्ने वाचा लिएर अगाडि बढेको छन् ।

अभियानमा स्थानीय युवाहरु दिपेस भण्डारी (साने) ,राहुल लुइँटेल , रुपेश भट्टराई , किरण थापामगर , साहिल गौतम , नयन रिमाल , बिसाल ओलि , प्रकास खतिवडा र सबिन मिश्र छन् ।

सहयोगि हात हरुलाई स्वागत छ ।

सम्पर्क गर्नुपरेमा दिपेस भण्डारी (साने)  ९८०८०४०२१६

साहिल गौतम ९८१०१२२८६१